"Benfika" va Madridning "Real" jamoalari o‘rtasidagi Chempionlar ligasi o‘yinida Vinisius Junior ishtirokida yangi janjal yuzaga keldi. "Qaymoqranglilar" hujumchisining so‘zlariga ko‘ra, Lissabon klubi futbolchisi Janluka Prestianni uni irqiy kamsituvchi so‘zlar bilan haqorat qilgan.
"El Larguero" xabariga ko‘ra, UYEFA taxmin qilinayotgan irqchilik fakti bo‘yicha intizomiy ish ochadi. Kilian Mbappe va yaqin atrofda bo‘lgan boshqa futbolchilar ko‘rsatma berishlari mumkin, biroq Prestiannining aybini isbotlash qiyin bo‘ladi, chunki u ehtiyotkorlik bilan og‘zini libosi (futbolkasi) bilan yopib olgan. Agar "Benfika" vingerining so‘zlari aniqlanmay qolsa, u jazodan qutulib qolishi mumkin.
O‘yindan keyingi intervyuda "Real" futbolchilari Janluka Prestiannini keskin tanqid qilishdi, Kilian Mbappe esa hatto u "endi Chempionlar ligasida o‘ynamasligi kerak" deb bayonot berdi.













