15 fevral kuni Angliyaning "Nottingem Forest" klubi boshqaruvini o‘z qo‘liga olgan murabbiy Vitor Pereyra o‘z tayinlovi haqida fikr bildirdi. Ayni damda jamoa xavfli hududga (quyi ligaga tushib ketish zonasi) juda yaqin turibdi.
Pereyra Gresiyaning "Olimpiakos" klubidagi faoliyati orqali rahbariyatni yaxshi bilishini ta’kidlab o‘tdi.
"U [Evangelos Marinakis] ambisiyali, hissiyotlarga boy va g‘alaba qozonishni istaydi. Biz birgalikda yaratgan o‘sha energiya va olovni eslayman. U mendan o‘zim kabi bo‘lishni so‘radi", — deya murabbiyning so‘zlarini Sky Sports keltirmoqda.
"Futbol — bu men u bilan uxlab, u bilan uyg‘onadigan soha. Men bu klubga tanam va ruhimni berish uchun keldim. Mavsum qiyin kechmoqda — turli uslublar, turli murabbiylar almashdi. Lekin men futbolchilarning sifatiga, jamoaning salohiyatiga va prezidentning ambisiyalariga ishonganim uchun bu ishni qabul qildim. Albatta, biz ligada qola olamiz. Biz ochko jamg‘arishga qodirmiz", — deya qo‘shimcha qildi Pereyra.
Hozirda "o‘rmonchilar" turnir jadvalida o‘n yettinchi o‘rinda borishmoqda va "Vest Xem"dan 3 ochko oldinda.
