15 февраль куни Англиянинг "Ноттингем Форест" клуби бошқарувини ўз қўлига олган мураббий Витор Перейра ўз тайинлови ҳақида фикр билдирди. Айни дамда жамоа хавфли ҳудудга (қуйи лигага тушиб кетиш зонаси) жуда яқин турибди.
Перейра Грециянинг "Олимпиакос" клубидаги фаолияти орқали раҳбариятни яхши билишини таъкидлаб ўтди.
"У [Евангелос Маринакис] амбицияли, ҳиссиётларга бой ва ғалаба қозонишни истайди. Биз биргаликда яратган ўша энергия ва оловни эслайман. У мендан ўзим каби бўлишни сўради", — дея мураббийнинг сўзларини Sky Sports келтирмоқда.
"Футбол — бу мен у билан ухлаб, у билан уйғонадиган соҳа. Мен бу клубга танам ва руҳимни бериш учун келдим. Мавсум қийин кечмоқда — турли услублар, турли мураббийлар алмашди. Лекин мен футболчиларнинг сифатига, жамоанинг салоҳиятига ва президентнинг амбицияларига ишонганим учун бу ишни қабул қилдим. Албатта, биз лигада қола оламиз. Биз очко жамғаришга қодирмиз", — дея қўшимча қилди Перейра.
Ҳозирда "ўрмончилар" турнир жадвалида ўн еттинчи ўринда боришмоқда ва "Вест Хэм"дан 3 очко олдинда.
