"Real" yarimhimoyachisi jarohat olgan bo‘lishi mumkin. El Chiringuito nashri tarqatgan xabarga ko‘ra Orelyen Tchuameni Chempionlar ligasi doirasidagi "Benfika"ga qarshi o‘yinni og‘riq bilan yakunladi. Hozir Tchuameni tibbiy ko‘rikdan o‘tmoqda.
Tchuameni Lissabondagi o‘yin yakunlangach, uchrashuvning eng yaxshi futbolchisi sovrinini qo‘lga kiritgandi. "Real" safarda "Benfika"ni 1:0 hisobida mag‘lub etdi. Yagona golga Vinisius Junior mualliflik qildi.
"Real" keyingi o‘yinni 21 fevral, shanba kuni safarda "Osasuna"ga qarshi o‘tkazadi. Shundan so‘ng Arbeloa jamoasi Chempionlar ligasida "Benfika"ni qabul qiladi.
