"Inter Mayami"ning yulduz hujumchisi Lionel Messi jarohatidan sog‘ayib, mashg‘ulotlarga qaytdi. "The Touchline" xabariga ko‘ra, 38 yoshli Messi MLS mavsumining birinchi o‘yinida maydonga tushishga tayyor bo‘ladi.
Yakshanba kuni erta tongda, 22 fevral kuni Toshkent vaqti bilan 07:30 da "Inter Mayami" MLS muntazam mavsumining ilk turi doirasida "Los-Andjeles"ga qarshi o‘yinni boshlaydi.
Ma’lumki, "Inter Mayami" MLS kubogining amaldagi sohibi hisoblanadi.
Eslatib o‘tamiz, kuzda Lionel Messi "Inter Mayami" bilan yangi shartnoma imzolagan edi. Ushbu kelishuv 2028 yilning oxirigacha mo‘ljallangan. Messi 2023 yilning yozidan buyon MLS klubida to‘p surib kelmoqda.













