"Интер Майами"нинг юлдуз ҳужумчиси Лионель Месси жароҳатидан соғайиб, машғулотларга қайтди. "The Touchline" хабарига кўра, 38 ёшли Месси МЛС мавсумининг биринчи ўйинида майдонга тушишга тайёр бўлади.
Якшанба куни эрта тонгда, 22 февраль куни Тошкент вақти билан 07:30 да "Интер Майами" МЛС мунтазам мавсумининг илк тури доирасида "Лос-Анджелес"га қарши ўйинни бошлайди.
Маълумки, "Интер Майами" МЛС кубогининг амалдаги соҳиби ҳисобланади.
Эслатиб ўтамиз, кузда Лионель Месси "Интер Майами" билан янги шартнома имзолаган эди. Ушбу келишув 2028 йилнинг охиригача мўлжалланган. Месси 2023 йилнинг ёзидан буён МЛС клубида тўп суриб келмоқда.
