«Barselona» o‘z tarkibida yarim himoyachi Mark Kasadoni saqlab qolmoqchi. Jurnalist Karlos Monfort ma’lumotiga ko‘ra, futbolchining amaldagi shartnomasi 2028 yil 30 iyungacha mo‘ljallangan bo‘lsa-da, yaqin oylarda kataloniya klubi o‘yinchi bilan 2031 yilgacha bo‘lgan yangi bitim yuzasidan muzokaralarni boshlash niyatida.

Futbolchining o‘zi ham, boshqa jamoalar qiziqishiga qaramay, «Barselona»da qolishni afzal ko‘rmoqda, chunki u har doim «ko‘k-anorranglilar»ning bir qismi bo‘lishni orzu qilgan. Mark Kasado — «Barselona» tarbiyalanuvchisi.

Joriy mavsumda yarim himoyachi kataloniya klubi safida barcha musobaqalarda 25 ta o‘yin o‘tkazib, bitta golli uzatmani amalga oshirdi. Transfermarkt portali Kasadoni 25 million yevro deb baholamoqda.