«Барселона» ўз таркибида ярим ҳимоячи Марк Касадони сақлаб қолмоқчи. Журналист Карлос Монфорт маълумотига кўра, футболчининг амалдаги шартномаси 2028 йил 30 июнгача мўлжалланган бўлса-да, яқин ойларда каталония клуби ўйинчи билан 2031 йилгача бўлган янги битим юзасидан музокараларни бошлаш ниятида.
Футболчининг ўзи ҳам, бошқа жамоалар қизиқишига қарамай, «Барселона»да қолишни афзал кўрмоқда, чунки у ҳар доим «кўк-анорранглилар»нинг бир қисми бўлишни орзу қилган. Марк Касадо — «Барселона» тарбияланувчиси.
Жорий мавсумда ярим ҳимоячи каталония клуби сафида барча мусобақаларда 25 та ўйин ўтказиб, битта голли узатмани амалга оширди. Transfermarkt портали Касадони 25 миллион евро деб баҳоламоқда.
