Milanning «Inter» klubi bosh murabbiyi Kristian Kivu Chempionlar Ligasi pley-off bosqichi doirasida Norvegiyaning «Budyo-Glimt» jamoasiga qarshi kechgan birinchi o‘yindagi mag‘lubiyatga (1:3) izoh berdi.

Tanaffusga qadar tabloda 1:1 hisobi qayd etilib turgan edi, biroq ikkinchi bo‘limda mezbonlar javobsiz ikkita gol urib, bahs favoriti ustidan g‘alaba qozonishdi.

«Bunday maydonda o‘ynash oson emas edi, lekin bu bahona bo‘lolmaydi. Biz «Budyo-Glimt» bizga anchagina muammo tug‘dirishi mumkinligini bilardik, biroq oldinda «San-Siro»dagi javob o‘yini bor. Hech narsa yo‘qotilgani yo‘q», — dedi Kivu jurnalistlar bilan suhbatda.

1/8 final yo‘llanmasi taqdiri 24 fevral kuni Milanda hal bo‘ladi.