Миланнинг «Интер» клуби бош мураббийи Кристиан Киву Чемпионлар Лигаси плей-офф босқичи доирасида Норвегиянинг «Будё-Глимт» жамоасига қарши кечган биринчи ўйиндаги мағлубиятга (1:3) изоҳ берди.
Танаффусга қадар таблода 1:1 ҳисоби қайд этилиб турган эди, бироқ иккинчи бўлимда мезбонлар жавобсиз иккита гол уриб, баҳс фаворити устидан ғалаба қозонишди.
«Бундай майдонда ўйнаш осон эмас эди, лекин бу баҳона бўлолмайди. Биз «Будё-Глимт» бизга анчагина муаммо туғдириши мумкинлигини билардик, бироқ олдинда «Сан-Сиро»даги жавоб ўйини бор. Ҳеч нарса йўқотилгани йўқ», — деди Киву журналистлар билан суҳбатда.
1/8 финал йўлланмаси тақдири 24 февраль куни Миланда ҳал бўлади.
