«Budyo-Glimt» kuchli beshlik chempionatlaridan bo‘lmay turib, Chempionlar Ligasida ketma-ket uchta top-liga vakilini mag‘lub etgan tarixdagi atigi to‘rtinchi klubga aylandi.
Norvegiya jamoasi bugun pley-offning ilk o‘tish o‘yinida o‘z maydonida «Inter»ni mag‘lub etdi (3:1). Bundan avval, 28 yanvar kuni Madridda «Atletiko» ustidan 2:1 hisobida g‘alaba qozonilgan bo‘lsa, 20 yanvar kuni «Budyo-Glimt» o‘z uyida «Manchester Siti»dan ustun kelgan edi (3:1).
Bunga qadar faqat «Panatinaikos» (2001/02), «Benfika» (2005/06) va «Zenit» (2015/16) klublari shunday natijaga erisha olishgan edi.
