Londonning «Arsenal» klubi sobiq futbolchisi Pol Merson «kanonirlar» ustozi Mikel Artetaning «Vulverxempton» bilan o‘yindagi (2:2) ochko yo‘qotilishidan keyin aytgan gaplaridan norozi bo‘ldi.
«Artetaning so‘zlari meni shokka tushirdi. Uning birinchi marta ijobiy bo‘lmagan ruhda gapirganini ko‘rishim. U: «biz bu zarbaga loyiq edik, lekin hali ham besh ochkolik farqni saqlab turibmiz», deb aytishi kerak edi», — deya ekspertning so‘zlarini keltiradi ESPN.
«Arsenal» 58 ochko bilan Angliya chempionati turnir jadvalida peshqadamlik qilmoqda. Ikkinchi o‘rindagi «Manchester Siti» «kanonirlar»dan besh ochko ortda qolmoqda. Xosep Gvardiola shogirdlarida «Nyukasl»ga qarshi bitta zaxira o‘yini mavjud. Ushbu uchrashuv 21 fevral kuni «Etixad» stadionida bo‘lib o‘tadi.
