Лондоннинг «Арсенал» клуби собиқ футболчиси Пол Мерсон «канонирлар» устози Микель Артетанинг «Вулверхэмптон» билан ўйиндаги (2:2) очко йўқотилишидан кейин айтган гапларидан норози бўлди.

«Артетанинг сўзлари мени шокка туширди. Унинг биринчи марта ижобий бўлмаган руҳда гапирганини кўришим. У: «биз бу зарбага лойиқ эдик, лекин ҳали ҳам беш очколик фарқни сақлаб турибмиз», деб айтиши керак эди», — дея экспертнинг сўзларини келтиради ESPN.

«Арсенал» 58 очко билан Англия чемпионати турнир жадвалида пешқадамлик қилмоқда. Иккинчи ўриндаги «Манчестер Сити» «канонирлар»дан беш очко ортда қолмоқда. Хосеп Гвардиола шогирдларида «Ньюкасл»га қарши битта захира ўйини мавжуд. Ушбу учрашув 21 февраль куни «Этихад» стадионида бўлиб ўтади.