«Barselona» yarim himoyachisi Dani Olmo jamoa bosh murabbiyi Xansi-Diter Flik haqida o‘z fikrlari bilan o‘rtoqlashdi.
«Ba’zida Xansi Flik vaziyatga qarab ovozini ko‘taradi, ba’zida esa bizni tinchlantiradi. Men u bilan ingliz tilida gaplashaman, lekin u g‘azablangan paytda nima deyayotganini nemis tilida ham tushunib olaman. U juda e’tiborli, aniq qarashlarga ega va nimani xohlayotganini yaxshi biladigan murabbiy», — deya Olmoning so‘zlarini keltiradi Barça Universal.
Flik 2024 yilning yozida «Barselona» boshqaruvini qo‘lga olgan edi. Uning qo‘l ostida kataloniyaliklar Ispaniya chempioni bo‘lishdi, mamlakat Kubogi va ikki bor Superkubokni qo‘lga kiritishdi.
Ayni damda «Barselona» La Ligada 24 o‘yindan so‘ng 58 ochko jamg‘arib, ikkinchi o‘rinda bormoqda.
