«Барселона» ярим ҳимоячиси Дани Ольмо жамоа бош мураббийи Ханси-Дитер Флик ҳақида ўз фикрлари билан ўртоқлашди.
«Баъзида Ханси Флик вазиятга қараб овозини кўтаради, баъзида эса бизни тинчлантиради. Мен у билан инглиз тилида гаплашаман, лекин у ғазабланган пайтда нима деяётганини немис тилида ҳам тушуниб оламан. У жуда эътиборли, аниқ қарашларга эга ва нимани хоҳлаётганини яхши биладиган мураббий», — дея Ольмонинг сўзларини келтиради Barça Universal.
Флик 2024 йилнинг ёзида «Барселона» бошқарувини қўлга олган эди. Унинг қўл остида каталонияликлар Испания чемпиони бўлишди, мамлакат Кубоги ва икки бор Суперкубокни қўлга киритишди.
Айни дамда «Барселона» Ла Лигада 24 ўйиндан сўнг 58 очко жамғариб, иккинчи ўринда бормоқда.
