Yulduz hujumchi Kilian Mbappe bilvosita «Real»ning transfer rejalariga aralashmoqda. Fransiyalik futbolchi klub yozda Vinisius Junior va Rodrigodan voz kechishini istamoqda. U o‘z pozisiyasini «qaymoqranglilar» rahbariyatiga allaqachon ma’lum qilgan, deb xabar bermoqda «El Nacional».

Manbaning ma’lumotlariga ko‘ra, Mbappe «Real» yuqorida tilga olingan braziliyaliklar o‘rniga «Bavariya»dan Maykl Oliseni sotib olishiga umid qilmoqda. Olise Kilianning hamyurti hisoblanadi: ularning ikkalasi ham fransiyalik.

Avvalroq OAVda Olisening xizmatlariga «Real»dan tashqari «Barselona» ham qiziqish bildirayotgani haqida xabarlar tarqalgan edi.