"Nyukasl" bosh murabbiyi Eddi Hau jamoa himoyachilari Tino Livramento va Sven Botmanning holati haqida ma’lumot berdi.
"Tino yaxshi tiklanmoqda, ammo biz uning qaytish muddatini belgilangan mart oyi boshigacha sezilarli darajada qisqartira olamiz, deb o‘ylamayman. Svenga kelsak, yaxshi yangilik bor: u bo‘lajak o‘yinga tayyor bo‘lishi mumkin", - deya Xauning so‘zlarini keltiradi "qirqlar" matbuot xizmati.
Livramento bu mavsumda barcha musobaqalarda 19ta o‘yinda maydonga tushdi va bitta golli uzatmani amalga oshirdi. Botmanning hisobida 25 ta o‘yin, bitta gol va bitta golli uzatma bor.













