"Ньюкасл" бош мураббийи Эдди Ҳау жамоа ҳимоячилари Тино Ливраменто ва Свен Ботманнинг ҳолати ҳақида маълумот берди.
"Тино яхши тикланмоқда, аммо биз унинг қайтиш муддатини белгиланган март ойи бошигача сезиларли даражада қисқартира оламиз, деб ўйламайман. Свенга келсак, яхши янгилик бор: у бўлажак ўйинга тайёр бўлиши мумкин", - дея Хаунинг сўзларини келтиради "қирқлар" матбуот хизмати.
Ливраменто бу мавсумда барча мусобақаларда 19та ўйинда майдонга тушди ва битта голли узатмани амалга оширди. Ботманнинг ҳисобида 25 та ўйин, битта гол ва битта голли узатма бор.













