Yarimhimoyachi Gavi yozdan beri "Barselona"da o‘ynamadi. O‘shanda futbolchi tizzasidagi muammo tufayli operasiya qilingan va tiklanishni boshlagan. Mana endi Gavi safga qaytishga yaqinlashmoqda.
Juma kuni Gavi umumiy guruhda qisman shug‘ullana boshladi, deb xabar beradi Mundo Deportivo. Bu juda ijobiy alomat, ammo 21 yoshli xavbekning maydonga qaytish arafasida ekani haqida gapirishga hali erta.
Gavi "Barselona"ning asosiy jamoasi safida jami 155 ta o‘yin o‘tkazgan. Ularda yarim himoyachi o‘z hisobiga 10 ta gol va 18 ta golli uzatmani yozdirib qo‘ydi.
"Barselona" La Liga turnir jadvalida 2-o‘rinda bormoqda.
