Яримҳимоячи Гави ёздан бери "Барселона"да ўйнамади. Ўшанда футболчи тиззасидаги муаммо туфайли операция қилинган ва тикланишни бошлаган. Мана энди Гави сафга қайтишга яқинлашмоқда.
Жума куни Гави умумий гуруҳда қисман шуғуллана бошлади, деб хабар беради Mundo Deportivo. Бу жуда ижобий аломат, аммо 21 ёшли хавбекнинг майдонга қайтиш арафасида экани ҳақида гапиришга ҳали эрта.
Гави "Барселона"нинг асосий жамоаси сафида жами 155 та ўйин ўтказган. Уларда ярим ҳимоячи ўз ҳисобига 10 та гол ва 18 та голли узатмани ёздириб қўйди.
"Барселона" Ла Лига турнир жадвалида 2-ўринда бормоқда.
