"Bavariya" markaziy himoyachisi Dayo Upamekano murabbiy tufayli jamoa bilan shartnomani uzaytirishga qaror qilganini aytdi.
"Men klubning ishonchini his qildim. Bizda ajoyib murabbiy va ajoyib jamoa bor. Menga bu yerda juda yaxshi. Shunchaki klub va muxlislar uchun borimni berib, bu ishonchni oqlamoqchiman.
Kompany juda ochiq odam va har doim suhbatlashishga tayyor. U o‘z ishini yaxshi bajaradi va men undan juda mamnunman. Agar mashg‘ulotda nimadir noto‘g‘ri bo‘lgan deb hisoblasam, har doim uning oldiga borishim mumkin. Menga uning shunday ochiq murabbiy ekani yoqadi", - dedi Upamekano.
Bu mavsumda Dayo 28ta o‘yinda maydonga tushib, 1ta gol urgan va 1ta golga hammualliflik qilgan. Yangi shartnoma 2030 yilgacha mo‘ljallangan.
