"Бавария" марказий ҳимоячиси Дайо Упамекано мураббий туфайли жамоа билан шартномани узайтиришга қарор қилганини айтди.
"Мен клубнинг ишончини ҳис қилдим. Бизда ажойиб мураббий ва ажойиб жамоа бор. Менга бу ерда жуда яхши. Шунчаки клуб ва мухлислар учун боримни бериб, бу ишончни оқламоқчиман.
Компанй жуда очиқ одам ва ҳар доим суҳбатлашишга тайёр. У ўз ишини яхши бажаради ва мен ундан жуда мамнунман. Агар машғулотда нимадир нотўғри бўлган деб ҳисобласам, ҳар доим унинг олдига боришим мумкин. Менга унинг шундай очиқ мураббий экани ёқади", - деди Упамекано.
Бу мавсумда Дайо 28та ўйинда майдонга тушиб, 1та гол урган ва 1та голга ҳаммуаллифлик қилган. Янги шартнома 2030 йилгача мўлжалланган.
