"Yuventus" va "Milan" klublarining sobiq bosh murabbiyi Fabio Kapello Italiya klublarining Chempionlar ligasi pley-offining dastlabki o‘yinlaridagi muvaffaqiyatsiz ishtiroki haqida gapirdi.

"Yuventus" "Galatasaroy"ga (2:5), "Atalanta" - "Borussiya" Dortmundga (0:2), "Inter" - "Bude-Glimt"ga (1:3) yutqazdi.

- Bu pasayishni qanday izohlash mumkin?

"Uchta asosiy omil: jismoniy kuch, to‘p bilan ishlash tezligi va ritmni saqlash qobiliyati. Va bu hammaga tegishli - "Inter", "Yuventus", "Atalanta." Daraja ko‘tarilganda, Italiya jamoalari qiyinchiliklarga duch kelishadi.

Agar uchta o‘yinda 10ta gol o‘tkazib yuborsang, demak, italyancha himoyalanish qobiliyati ham yetishmayapti. Konsentrasiya yetishmayapti, himoyachilarimizga doim xos bo‘lgan daraja yetishmayapti. Raqamlar o‘z-o‘zidan gapiradi.

Nima uchun bunday bo‘layotganini tushunish kerak. Ammo klublar darajasi terma jamoada aks etadi va aksincha: Italiya jahon chempionatiga borishiga ishonchim komil, hujum chizig‘i menga yoqadi, ammo avvalgi mavzuga qaytaman. Himoyachilar yetishmayapti", - dedi Kapello.