Londonning «Arsenal» klubi Angliya chempionati doirasida burchak zarbalarini amalga oshirish bilan bog‘liq antirekord o‘rnatdi. Bu haqda «Opta» statistik kompaniyasi ma’lumotlari dalolat bermoqda.

Joriy mavsumda «kanonirlar» burchak zarbasi belgilangandan so‘ng o‘yinni qayta boshlash uchun jami 117 daqiqa vaqt sarflashdi. Bu mahalliy elitaning boshqa barcha vakillari ko‘rsatkichidan yuqoridir. Shuningdek, «Arsenal» burchak to‘pini o‘yinga kiritishdagi o‘rtacha kechikish vaqti bo‘yicha ham birinchi o‘rinda qayd etildi — 44 soniya. «Opta» mutaxassislari ushbu holatni bir so‘z bilan ta’riflashdi: «Holdan toyganlar».

«Vulverxempton» bilan o‘yindagi ochko yo‘qotilishidan keyin ham «Arsenal» turnir jadvalida peshqadamlikni saqlab turibdi. Biroq «Manchester Siti»da oradagi 5 ochkolik farqni 2 ochkogacha qisqartirish imkoniyati mavjud.