Лондоннинг «Арсенал» клуби Англия чемпионати доирасида бурчак зарбаларини амалга ошириш билан боғлиқ антирекорд ўрнатди. Бу ҳақда «Opta» статистик компанияси маълумотлари далолат бермоқда.

Жорий мавсумда «канонирлар» бурчак зарбаси белгилангандан сўнг ўйинни қайта бошлаш учун жами 117 дақиқа вақт сарфлашди. Бу маҳаллий элитанинг бошқа барча вакиллари кўрсаткичидан юқоридир. Шунингдек, «Арсенал» бурчак тўпини ўйинга киритишдаги ўртача кечикиш вақти бўйича ҳам биринчи ўринда қайд этилди — 44 сония. «Opta» мутахассислари ушбу ҳолатни бир сўз билан таърифлашди: «Ҳолдан тойганлар».

«Вулверхэмптон» билан ўйиндаги очко йўқотилишидан кейин ҳам «Арсенал» турнир жадвалида пешқадамликни сақлаб турибди. Бироқ «Манчестер Сити»да орадаги 5 очколик фарқни 2 очкогача қисқартириш имконияти мавжуд.