Angliya futbol assosiasiyasi (FA) «Manchester Yunayted» hammuassisi Jim Retkliff bilan maxsus suhbat o‘tkazib, unga «ingliz futboli ishtirokchisi sifatidagi majburiyatlarini» eslatib qo‘ydi. Bu haqda Sky Sports nashri xabar bermoqda.
Bunga tadbirkorning Buyuk Britaniyadagi migrasiya siyosati haqidagi bahsli fikrlari sabab bo‘lgan. Retkliff avvalroq mamlakat «migrantlar tomonidan koloniyaga aylantirilganini» aytib, shunday degan edi:
«9 million kishi nafaqa oladigan va shu bilan birga juda ko‘p miqdorda immigrantlar kelayotgan iqtisodiyotga ega bo‘lish mumkin emas».
Manbaning xabariga ko‘ra, FA Retkliffga OAVga intervyu berayotganda o‘zining futbol dunyosidagi maqomini va bu bilan bog‘liq majburiyatlarini unutmaslikni maslahat bergan. Shu bilan birga, «Manchester Yunayted» hamegasiga nisbatan hech qanday jarima yoki intizomiy jazo choralari qo‘llanilmasligi aytib o‘tilgan.
