Portugaliya milliy terma jamoasi sobiq bosh murabbiyi Fernandu Santush Krishtianu Ronalduning jamoa uchun qay darajada muhim ekanligi haqida o‘z fikrlarini bayon etdi.
Joriy oy boshida «An-Nasr» klubi hujumchisi 41 yoshni qarshi oldi. Ommaviy axborot vositalarida yulduzli futbolchining hozirgi jismoniy holatida milliy terma jamoaga qanchalik zarur ekanligi borasida muntazam ravishda munozaralar olib borilmoqda.
«Ronaldu Jahon chempionatida asosiy tarkibda maydonga tushishi kerakmi? Har bir murabbiyning o‘z taktik qarashlari mavjud. Agar Krishtianu yaxshi sport formasida va eng yuqori jismoniy holatda bo‘lsa, u asosiy tanlovga aylanadi, chunki uning professionalizmi hamon hech qanday shubha tug‘dirmaydi. U men bilan faoliyatini yakunlash borasida hech qachon suhbatlashmagan. Yakuniy qarorni uning o‘zi qabul qiladi, biroq umid qilamanki, uning katta futboldan ketishiga hali ancha vaqt bor», — deya Santushning so‘zlaridan iqtibos keltirmoqda Al Nassr Zone.
Ma’lumot o‘rnida ta’kidlash joizki, Krishtianu Ronaldu JCH-2026 saralash bosqichi doirasida o‘z hisobiga beshta gol yozdirib qo‘yishga muvaffaq bo‘ldi.
