Zinedin Zidan Fransiya milliy terma jamoasida Didye Deshamning o‘rinbosariga aylanadi. Insayder Fabrisio Romanoning xabar berishicha, 53 yoshli mutaxassis Fransiya futbol federasiyasi bilan og‘zaki kelishuvga erishgan. Madridning «Real» klubi sobiq bosh murabbiyi bo‘lajak jahon chempionati yakunlanishi bilanoq «uch ranglilar» boshqaruvini o‘z qo‘liga oladi. Shu tariqa, Zidan besh yillik tanaffusdan so‘ng yana murabbiylik faoliyatiga qaytmoqda.
Didye Desham 2012 yilning yozidan buyon Fransiya terma jamoasi bosh murabbiyi lavozimida ishlab kelmoqda. Ta’kidlash joizki, 2026 yilgi mundialning guruh bosqichida fransuzarga Senegal va Norvegiya terma jamoalari raqiblik qiladi, uchinchi raqib esa o‘tish o‘yinlari natijasiga ko‘ra aniqlanadi. Jahon chempionati shu yilning 11 iyunidan 19 iyuliga qadar bo‘lib o‘tadi.
