Зинедин Зидан Франция миллий терма жамоасида Дидье Дешамнинг ўринбосарига айланади. Инсайдер Фабрицио Романонинг хабар беришича, 53 ёшли мутахассис Франция футбол федерацияси билан оғзаки келишувга эришган. Мадриднинг «Реал» клуби собиқ бош мураббийи бўлажак жаҳон чемпионати якунланиши биланоқ «уч ранглилар» бошқарувини ўз қўлига олади. Шу тариқа, Зидан беш йиллик танаффусдан сўнг яна мураббийлик фаолиятига қайтмоқда.

Дидье Дешам 2012 йилнинг ёзидан буён Франция терма жамоаси бош мураббийи лавозимида ишлаб келмоқда. Таъкидлаш жоизки, 2026 йилги мундиалнинг гуруҳ босқичида французарга Сенегал ва Норвегия терма жамоалари рақиблик қилади, учинчи рақиб эса ўтиш ўйинлари натижасига кўра аниқланади. Жаҳон чемпионати шу йилнинг 11 июнидан 19 июлига қадар бўлиб ўтади.