Leverkuzenning «Bayer» klubi himoyachisi Edmond Tapsoba birdaniga bir nechta Yevropa top-klublarining qiziqishlari doirasida turibdi.
Insayder Ekrem Konurga ma’lum bo‘lishicha, 27 yoshli futbolchini sotib olishga «Liverpul», «Manchester Yunayted» va «PSJ» klublari qiziqish bildirmoqda. Germaniya tomoni, o‘z navbatida, himoyachi bilan xayrlashishni rejalashtirmayapti, biroq manfaatli taklif tushsa, muzokaralarni boshlashi mumkin. «Dorishunoslar» futbolchini 50-60 million yevroga baholamoqda.
Ushbu mavsumda Tapsoba «Bayer»ning 28 ta uchrashuvida qatnashib, o‘z hisobiga to‘rtta gol va ikkita assist yozdirib qo‘ydi. Himoyachining shartnomasi 2028 yilning o‘rtalarigacha mo‘ljallangan.
