Леверкузеннинг «Байер» клуби ҳимоячиси Эдмонд Тапсоба бирданига бир нечта Европа топ-клубларининг қизиқишлари доирасида турибди.

Инсайдер Экрем Конурга маълум бўлишича, 27 ёшли футболчини сотиб олишга «Ливерпуль», «Манчестер Юнайтед» ва «ПСЖ» клублари қизиқиш билдирмоқда. Германия томони, ўз навбатида, ҳимоячи билан хайрлашишни режалаштирмаяпти, бироқ манфаатли таклиф тушса, музокараларни бошлаши мумкин. «Доришунослар» футболчини 50-60 миллион еврога баҳоламоқда.

Ушбу мавсумда Тапсоба «Байер»нинг 28 та учрашувида қатнашиб, ўз ҳисобига тўртта гол ва иккита ассист ёздириб қўйди. Ҳимоячининг шартномаси 2028 йилнинг ўрталаригача мўлжалланган.