«Manchester Siti» bosh murabbiyi Xosep Gvardiola jamoa yarim himoyachisi Rodri Ernandesning kelajagi haqida o‘z fikrlari bilan o‘rtoqlashdi.

«Men Rodrining «Manchester Siti» bilan shartnomasini uzaytirishini juda ham xohlardim. Rodri — bu Rodri... Eng mas’uliyatli lahzalarda o‘zini ko‘rsata oladigan futbolchilar bor va Rodri aynan o‘shalardan biri», — deya Gvardiolaning so‘zlarini keltiradi City Report.

Rodri 2019 yildan beri «Manchester Siti» sharafini himoya qilib kelmoqda. Joriy mavsumda 29 yoshli ispaniyalik futbolchi barcha musobaqalarda 21 ta o‘yinda ishtirok etdi va bitta gol urdi.

Rodrining «Manchester Siti» bilan amaldagi mehnat shartnomasi 2027 yilning yozida yakuniga etadi. Transfermarkt portali yarim himoyachining qiymatini 75 million yevroga baholamoqda.