«Манчестер Сити» бош мураббийи Хосеп Гвардиола жамоа ярим ҳимоячиси Родри Эрнандеснинг келажаги ҳақида ўз фикрлари билан ўртоқлашди.
«Мен Родрининг «Манчестер Сити» билан шартномасини узайтиришини жуда ҳам хоҳлардим. Родри — бу Родри... Энг масъулиятли лаҳзаларда ўзини кўрсата оладиган футболчилар бор ва Родри айнан ўшалардан бири», — дея Гвардиоланинг сўзларини келтиради City Report.
Родри 2019 йилдан бери «Манчестер Сити» шарафини ҳимоя қилиб келмоқда. Жорий мавсумда 29 ёшли испаниялик футболчи барча мусобақаларда 21 та ўйинда иштирок этди ва битта гол урди.
Родрининг «Манчестер Сити» билан амалдаги меҳнат шартномаси 2027 йилнинг ёзида якунига этади. Transfermarkt портали ярим ҳимоячининг қийматини 75 миллион еврога баҳоламоқда.
