«Barselona» himoyachisi Jerar Martin Madridning «Real» klubiga o‘tish ehtimoli haqidagi savolga javob berdi.

«Men «Real» bilan shartnoma imzolamagan bo‘lardim. Shunday narsalar borki, ularni pulga sotib olib bo‘lmaydi. Bu yerda o‘zimni juda yaxshi his qilyapman va ketishni rejalashtirmayapman», — deya Martinning TV3 telekanaliga bergan intervyusidan iqtibos keltiradi.

Martin 2023 yilda «Barselona» futbolchisiga aylangan edi. Joriy mavsumda 23 yoshli himoyachi barcha musobaqalarda 34 ta uchrashuvda maydonga tushdi, biroq samarali harakatlarni amalga oshirmadi.

Ispaniyalik futbolchining «ko‘k-anorranglilar» bilan mehnat shartnomasi 2028 yilning o‘rtalarigacha mo‘ljallangan. Transfermarkt portali ma’lumotlariga ko‘ra, futbolchining qiymati 20 million yevroni tashkil etadi.