«Барселона» ҳимоячиси Жерар Мартин Мадриднинг «Реал» клубига ўтиш эҳтимоли ҳақидаги саволга жавоб берди.
«Мен «Реал» билан шартнома имзоламаган бўлардим. Шундай нарсалар борки, уларни пулга сотиб олиб бўлмайди. Бу ерда ўзимни жуда яхши ҳис қиляпман ва кетишни режалаштирмаяпман», — дея Мартиннинг TV3 телеканалига берган интервьюсидан иқтибос келтиради.
Мартин 2023 йилда «Барселона» футболчисига айланган эди. Жорий мавсумда 23 ёшли ҳимоячи барча мусобақаларда 34 та учрашувда майдонга тушди, бироқ самарали ҳаракатларни амалга оширмади.
Испаниялик футболчининг «кўк-анорранглилар» билан меҳнат шартномаси 2028 йилнинг ўрталаригача мўлжалланган. Transfermarkt портали маълумотларига кўра, футболчининг қиймати 20 миллион еврони ташкил этади.
