Italiya terma jamoasining sobiq himoyachisi Mattia De Shilyo Chexiyaning "Gradets-Kralove" klubiga amalga oshmay qolgan transferi masalasiga oydinlik kiritdi. Futbolchi ijtimoiy tarmoqlardagi sahifasida shu mazmundagi matnni e’lon qildi.
"Men barcha kerakli tibbiy ko‘riklar va qo‘shimcha tekshiruvlardan o‘tdim va ulardan muvaffaqiyatli o‘tdim. Chexiyada 3 kun bo‘ldim va jamoa bilan 2 ta to‘laqonli mashg‘ulot o‘tkazdim, hech qanday cheklovlarsiz ishladim", - deb yozadi futbolchi.
33 yoshli De Shilyoning so‘nggi klubi ijara asosida to‘p tepgan "Empoli" edi. Futbolchining 2025 yilgacha bo‘lgan huquqi "Yuventus"ga tegishli edi.
