Италия терма жамоасининг собиқ ҳимоячиси Маттиа Де Шильо Чехиянинг "Градетс-Кралове" клубига амалга ошмай қолган трансфери масаласига ойдинлик киритди. Футболчи ижтимоий тармоқлардаги саҳифасида шу мазмундаги матнни эълон қилди.
"Мен барча керакли тиббий кўриклар ва қўшимча текширувлардан ўтдим ва улардан муваффақиятли ўтдим. Чехияда 3 кун бўлдим ва жамоа билан 2 та тўлақонли машғулот ўтказдим, ҳеч қандай чекловларсиз ишладим", - деб ёзади футболчи.
33 ёшли Де Шильонинг сўнгги клуби ижара асосида тўп тепган "Эмполи" эди. Футболчининг 2025 йилгача бўлган ҳуқуқи "Ювентус"га тегишли эди.
