Kataloniyaning "Barselona" klubi darvozaboni Joan Garsiya "ko‘k-anorranglilar" mavsum davomida oldinga siljishi kerak, deb hisoblamoqda.
"Jamoa hali ko‘p mehnat qilishi kerak. So‘nggi o‘yinlarda ko‘p narsani uddalay olmadik. Vaziyatni tahlil qilib, qanday harakat qilishni aniq tushunib olishimiz kerak. Ayni paytda ishlar biz xohlagandek ketmayapti, ammo jamoa ishlashga va yaxshilanishga tayyor. Zaif tomonlarimizni tahlil qilamiz", - deya darvozabonning so‘zlarini keltiradi Marca gazetasi.
Eslatib o‘tamiz, yaqinda "Barselona" Ispaniya Kubogi yarim finalining dastlabki o‘yinida mag‘lubiyatga uchragan edi. Hans-Diter Flik shogirdlari safarda Madridning "Atletiko" klubiga 0:4 hisobida imkoniyatni boy berib qo‘ydi.
