Каталониянинг "Барселона" клуби дарвозабони Жоан Гарсия "кўк-анорранглилар" мавсум давомида олдинга силжиши керак, деб ҳисобламоқда.
"Жамоа ҳали кўп меҳнат қилиши керак. Сўнгги ўйинларда кўп нарсани уддалай олмадик. Вазиятни таҳлил қилиб, қандай ҳаракат қилишни аниқ тушуниб олишимиз керак. Айни пайтда ишлар биз хоҳлагандек кетмаяпти, аммо жамоа ишлашга ва яхшиланишга тайёр. Заиф томонларимизни таҳлил қиламиз", - дея дарвозабоннинг сўзларини келтиради Marca газетаси.
Эслатиб ўтамиз, яқинда "Барселона" Испания Кубоги ярим финалининг дастлабки ўйинида мағлубиятга учраган эди. Ҳанс-Дитер Флик шогирдлари сафарда Мадриднинг "Атлетико" клубига 0:4 ҳисобида имкониятни бой бериб қўйди.
