«Parij» klubi bosh murabbiy Stefan Jiyi bilan hamkorlik to‘xtatilganini e’lon qildi.

51 yoshli mutaxassis jamoani 2023 yilning yozidan beri boshqarib kelayotgan edi. Uning qo‘l ostida klub yuqori divizion — Liga 1 ga yo‘llanma olishga muvaffaq bo‘lgandi.

Bu Jiyi uchun bosh murabbiy sifatidagi ilk tajriba edi. Avvalroq u Marokash terma jamoasi, «Parij», Bosniya va Gersegovina terma jamoalarida, shuningdek, Fransiyaning «Sosho» va «Grenobl» klublarida yordamchi murabbiy lavozimlarida faoliyat yuritgan.

Fransiya chempionatining 23-turidan so‘ng «Parij» 23 ochko jamg‘argan holda turnir jadvalida 14-o‘rinni egallab turibdi.