«Париж» клуби бош мураббий Стефан Жийи билан ҳамкорлик тўхтатилганини эълон қилди.
51 ёшли мутахассис жамоани 2023 йилнинг ёзидан бери бошқариб келаётган эди. Унинг қўл остида клуб юқори дивизион — Лига 1 га йўлланма олишга муваффақ бўлганди.
Бу Жийи учун бош мураббий сифатидаги илк тажриба эди. Аввалроқ у Марокаш терма жамоаси, «Париж», Босния ва Герцеговина терма жамоаларида, шунингдек, Франциянинг «Сошо» ва «Гренобль» клубларида ёрдамчи мураббий лавозимларида фаолият юритган.
Франция чемпионатининг 23-туридан сўнг «Париж» 23 очко жамғарган ҳолда турнир жадвалида 14-ўринни эгаллаб турибди.
