Milanning «Inter» klubi hujumchisi Markus Tyuram Premyer-liga vakillarining e’tiboriga tushdi.

Insayder Fabrisio Romanoning xabariga ko‘ra, nomi hozircha oshkor qilinmayotgan ko‘plab ingliz klublari kelayotgan yozda fransuz futbolchisini qo‘lga kiritish imkoniyatlarini ko‘rib chiqmoqda. 28 yoshli futbolchiga boshqa chempionatlardan ham talab mavjud.

Aniq muzokaralar Jahon chempionatidan so‘ng boshlanishi mumkin. Markus Tyuramning «neradzurrilar» bilan shartnomasi 2028 yilning o‘rtalarigacha mo‘ljallangan, uning transfer qiymati esa Transfermarkt portali tomonidan 60 million yevroga baholanmoqda. Joriy mavsumda hujumchi 31 ta o‘yinda maydonga tushib, 12 ta gol va beshta golli uzatmani amalga oshirdi.