Миланнинг «Интер» клуби ҳужумчиси Маркус Тюрам Премьер-лига вакилларининг эътиборига тушди.
Инсайдер Фабрицио Романонинг хабарига кўра, номи ҳозирча ошкор қилинмаётган кўплаб инглиз клублари келаётган ёзда француз футболчисини қўлга киритиш имкониятларини кўриб чиқмоқда. 28 ёшли футболчига бошқа чемпионатлардан ҳам талаб мавжуд.
Аниқ музокаралар Жаҳон чемпионатидан сўнг бошланиши мумкин. Маркус Тюрамнинг «нерадзуррилар» билан шартномаси 2028 йилнинг ўрталаригача мўлжалланган, унинг трансфер қиймати эса Transfermarkt портали томонидан 60 миллион еврога баҳоланмоқда. Жорий мавсумда ҳужумчи 31 та ўйинда майдонга тушиб, 12 та гол ва бешта голли узатмани амалга оширди.
