«Al-Hilol»dan ijaraga olingan «Barselona» qanot himoyachisi Joau Kanselu nima uchun ortga qaytishni istagani haqida so‘zlab berdi.
«Ko‘k-anorranglilar» portugaliyalik futbolchini joriy mavsum yakuniga qadar ijaraga olishgan. Avvalroq o‘yinchi 2023/24 yilgi mavsumda ham Kataloniya grandi sharafini himoya qilgan edi.
«Barselona» kiyinish xonasida men butun faoliyatim davomida ko‘rgan eng ajoyib muhit hukmron. Bu mening ortga qaytishga qaror qilganimning asosiy sabablaridan biridir. 2023 yili birinchi marta kelganimda ham xuddi shunday edi. Futbol doimo o‘zingni ko‘rsatish uchun ikkinchi imkoniyatni taqdim etadi», — deya Managing Barca Kanseluning so‘zlaridan iqtibos keltirmoqda.
Shanba kuni, 28 fevral kuni Hans-Diter Flik jamoasi o‘z maydonida «Vilyarreal»ni qabul qiladi.
