«Ал-Ҳилол»дан ижарага олинган «Барселона» қанот ҳимоячиси Жоау Канселу нима учун ортга қайтишни истагани ҳақида сўзлаб берди.
«Кўк-анорранглилар» португалиялик футболчини жорий мавсум якунига қадар ижарага олишган. Аввалроқ ўйинчи 2023/24 йилги мавсумда ҳам Каталония гранди шарафини ҳимоя қилган эди.
«Барселона» кийиниш хонасида мен бутун фаолиятим давомида кўрган энг ажойиб муҳит ҳукмрон. Бу менинг ортга қайтишга қарор қилганимнинг асосий сабабларидан биридир. 2023 йили биринчи марта келганимда ҳам худди шундай эди. Футбол доимо ўзингни кўрсатиш учун иккинчи имкониятни тақдим этади», — дея Managing Barca Канселунинг сўзларидан иқтибос келтирмоқда.
Шанба куни, 28 февраль куни Ҳанс-Дитер Флик жамоаси ўз майдонида «Вильярреал»ни қабул қилади.
