«Barselona» prezidenti Joan Laporta klub tarbiyalanuvchisi Lamin Yamal bilan bog‘liq amalga oshmagan transfer tafsilotlarini ochiqladi. Uning so‘zlariga ko‘ra, ikki yil oldin «PSJ» kataloniyaliklarga vinger uchun 250 million yevro taklif qilgan, biroq rad javobini olgan.

«Biz rad etdik. O‘shanda u 17 yoshda edi — ba’zilar bizni aqldan ozgan deb hisoblashgan!» — deya jurnalist Fabrisio Romano Laportaning «Jijantes FC»ga bergan intervyusidan iqtibos keltirmoqda.

Yamal «Barselona» asosiy tarkibida 2023 yilning aprel oyida, 15 yoshu 290 kunligida debyut qilib, «ko‘k-anorranglilar» tarixida Ispaniya chempionatida maydonga tushgan eng yosh futbolchiga aylangan edi. 2025/26 yilgi mavsumda 18 yoshli futbolchi barcha musobaqalarda 33 ta o‘yin o‘tkazib, 15 ta gol urdi va 14 ta golli uzatmani amalga oshirdi.