«Manchester Yunayted» «Everton»ga qarshi o‘yinda uch ochkoni qo‘lga kiritdi, biroq bu g‘alaba osonlik bilan kelgani yo‘q — buni klub futbolchilarining o‘zlari ham tan olishmoqda. Xususan, shonli klub darvozasini navbatdagi bor qo‘riqlagan golkiper Senne Lammens shunday fikrda.
«G‘alaba mashaqqatli mehnat va himoyadagi hamjihatlik evaziga qo‘lga kiritildi. To‘g‘ri, o‘yinimiz u qadar jozibador chiqmadi, ayniqsa birinchi bo‘limda. Biroq biz yaxshi himoyalandik va kerakli paytda farqni yuzaga keltira oladigan futbolchilarimiz o‘z so‘zini aytdi», — deya darvozabonning so‘zlaridan iqtibos keltiradi BBC Sport.
Ma’lumot uchun, «Manchester Yunayted» so‘nggi bor 2013 yilda chempionlikni qo‘lga kiritgan edi.
