Qishki transfer oynasida "Barselona" Joau Kanseluni "Al-Hilol"dan ijaraga oldi. The Touchline nashriga ma’lum bo‘lishicha, Kataloniya klubi portugaliyalik futbolchi o‘zini ko‘rsata olsa, ijara muddati tugagach, yangi shartnomaga ega bo‘lishi mumkinligini ma’lum qilgan.
Qayd etilishicha, "Barselona" aniq maqsadlarni belgilab olgan va ularni amalga oshirish Kanseluga jamoada uzoqroq qolish eshiklarini ochadi.
31 yoshli Kanselu "Barselona"ga qaytganidan keyin oltita o‘yinda maydonga tushib, bitta golli uzatmani amalga oshirdi.
Ispaniya La Ligasi turnir jadvalida "Barselona" "Real"ni ikki ochkoga ortda qoldirgan holda peshqadamlik qilmoqda.
