Norvegiyaning «Budyo-Glimt» klubi 2025/2026 yilgi mavsum UEFA Chempionlar ligasi pley-off bosqichi doirasida Italiyaning «Inter» jamoasini ikki o‘yin natijasiga ko‘ra 5:2 (3:1, 2:1) hisobida mag‘lub etdi. Shu tariqa, «Budyo-Glimt» XXI asrda kuchli beshlik chempionatlariga kirmaydigan klublar orasida bosh yevrokubok musobaqasida noyob natija qayd etdi.

«Opta Sport» statistika portali xabar berishicha, «Budyo-Glimt» Yevropaning eng kuchli beshta ligasi (Angliya, Ispaniya, Germaniya, Italiya va Fransiya) vakillariga qarshi Yevropa chempionlar kubogi yoki UEFA Chempionlar ligasi doirasida ketma-ket to‘rtta o‘yinda g‘alaba qozongan top-5 ligalaridan tashqaridagi ilk jamoa bo‘ldi. Bungacha bunday natijaga erishgan so‘nggi klub «Ayaks» (1971/1972 yilgi mavsumda) bo‘lgan edi. O‘shanda Niderlandiya klubi Yevropa chempionlar kubogida g‘olib chiqqan.

Eslatib o‘tamiz, «Inter» bilan bo‘lgan ikkita o‘yindan tashqari, Norvegiya klubi avvalroq Chempionlar ligasining umumiy bosqichi 7 va 8-turlari doirasida «Manchester Siti» (3:1) hamda «Atletiko» (2:1) jamoalarini mag‘lub etgan edi.