Норвегиянинг «Будё-Глимт» клуби 2025/2026 йилги мавсум УEФА Чемпионлар лигаси плей-офф босқичи доирасида Италиянинг «Интер» жамоасини икки ўйин натижасига кўра 5:2 (3:1, 2:1) ҳисобида мағлуб этди. Шу тариқа, «Будё-Глимт» ХХI асрда кучли бешлик чемпионатларига кирмайдиган клублар орасида бош еврокубок мусобақасида ноёб натижа қайд этди.

«Opta Sport» статистика портали хабар беришича, «Будё-Глимт» Европанинг энг кучли бешта лигаси (Англия, Испания, Германия, Италия ва Франция) вакилларига қарши Европа чемпионлар кубоги ёки УEФА Чемпионлар лигаси доирасида кетма-кет тўртта ўйинда ғалаба қозонган топ-5 лигаларидан ташқаридаги илк жамоа бўлди. Бунгача бундай натижага эришган сўнгги клуб «Аякс» (1971/1972 йилги мавсумда) бўлган эди. Ўшанда Нидерландия клуби Европа чемпионлар кубогида ғолиб чиққан.

Эслатиб ўтамиз, «Интер» билан бўлган иккита ўйиндан ташқари, Норвегия клуби аввалроқ Чемпионлар лигасининг умумий босқичи 7 ва 8-турлари доирасида «Манчестер Сити» (3:1) ҳамда «Атлетико» (2:1) жамоаларини мағлуб этган эди.